-
الصفحة الرئيسية
عجيب يا شط احزانى
.
عجيب يا شط احزانى
غارق فى بحور ما فيها نور
وظلمه فى ظلمه محوطانى
الف وادور ما جيلى دور
ولا لحظه تخف فيها الامى
من الغربه شايف كرب
ومن اهلى وخلانى
اقول الصبر طوق لنجاه
وحبل الصبر عاتت الاه
وماسك فيه بيدى وكل سنانى
واعيد الكره واعوم تانى
ومتحمل لاحزانى
وأملى يا شط تلقانى
وانا تايه مابين الاه والامى
تبعد وانت القاصد
كأنى معاك متواعد
على جرحى وعدم فرحى
عجيب يا شط احزانى
على جرفك كثير اشواك
وكل محاول انا القاك
بتتجرح احاسيسى
بحنظل مر وشىء حراق
ويظهر الف حارس ليك
يعجزنى ان انا الاقيك
كأ نك انت اللى غريق
وانا من الغرق نجاك
عجيب يا شط احزانى
عايم فى بحر كله هموم
وموجه جراح وغطانى
ومتعشم يا شط انا فيك
اتارى الشط خلانى
ما بين الجرح وبين الاه
وكلى جروح ونسينى
عجيب يا شط احزانى
بقلم محمد البلاط
